Neqeroorutit

Aapparisannut persuttaasaruit allanngortikkusuppiuk?

Alliaq ilinnut qaniginerpaasannik ajoqusiiumanak qisuariartarninnik allannguerusuttumut neqeroorutaavoq.

Persuttaaneq ajornartorsiutinut aaqqiissutaanngilaq. Persuttaaneq ajornartorsiutinik pilersitsisarpoq. Persuttaaneq misigissuseerutsitsisarpoq taamaammallu persuttaanerup asanninneq aamma toquttarpaa.

Aapparisap asanninnera ataqqinninneralu, ilaquttat ikinngutillu annaaneqarneri annernartuuvoq. Annernarnerpaagunarporli takusinnaagukku persuttaanerup meeqqatit ajoqusertarai.

Tamakku ilaannik misigisaqartaruit neqerooruterput immaqa iluaqutigisinnaavat. Kamannerit illit akisussaaffigivat. Persuttaanani allatut iliuuseqartoqarsinnaavoq, illillu tassaavutit aaqqiissutissanik allani pitsaanerusunillu nassarniartussaq. Aqqutissiuullutilli ikiorusuppatsigit.
Angutit arnallu aappaminnut persuttaasarnermik saassussisarnermillu ajornartorsiutillit ikiorneqarnissaat neqeroorutigaarput.

Neqeroorut akeqanngilaq kinaassutsimillu isertuussisuulluni. Nipangiussisussaatitaavugut.